اختر الكلمة التي تصف شخصيتك!!

يالله يا اعضاءنا الحلويييييييييييين
كل واحد يختار له رقم ويشوف حضه...
الارقام من (1) إلى (10) ....خلونا نضحك شوي...ممنوع الغش
نختار الرقم بعدين نشوف النتيجة...ويا ويل اللي ما يكتب وش طلع له
v
v
v
v
v
v
v
v
v
v
v
v
v
v



1_ فيلسوف...
دايم يعور راسنا بكلام ما نفهمه..يقدر يختصر أي تجربة مر بها في جملة وحدة-->تعجزو تفهمو قصده من هالجملة
ونادر يلقى له واحد يجاريه في كلامه ويمكن يصير وحداني..
وطريقة تفكيره ما تناسب سنه الطبيعي((يعني مو مطفوق مثل الباقي))...
لهالسبب ينرفز من اصحابه بسرعة--->>ترى العيب مو فينا ابددد

2_مزاجي...
احيانا تلقاه كووول و مفرفش وآخر رواقة ويحب كل شي في الدنيا حتى لو يجي يشغل التلفزيون يحضنه ويعطيه بوسة-->>مصختها مو
واحيانا شرارة ..غضبانه عليه امه اللي يكلمه... ----->>انتبهو من هالنوعية

3_طفولي...
دايم يحب يلعب ويكره يجلس مع الكبار.... واخر الشهر مفلس من كثر الالعاب اللي يشتريها..
.حياته كلها سوني وافلام كرتون ..غرفته كلها دمى لحيوانات وبوسترات لفلم الكرتون المفضل عنده..
فرشة اسنانه تلقى عليها رسوم واشكال زرافة والا وسريره ملزق عليه طوابع وحركات..
ونك نيمه في الماسنجر...بز يطيييييييير ههههههههه
يعني باختصار واحد ما طلع من مرحلة الطفولة..

4_مرجوج...
يحب يضحك على اتفه شي وماخذ الدنيا لعب ومسخرة..ما يفهم في الأمور الجدية..يحب يسوي مقالب في غيره ويلعب في اعصاب الكل
دايما مرح وعنده اخلاق ..واللي يبي يتونس يجلس معه..غصب عنك تطلع من الجو اللي انت فيه...
نادر يحس بالندم لأن التطنيش شعاره في الحياة..

5_عنيف...
يمشي اموره بالسب والتهديد...اخوانه متلطخين بسبب وبدون سبب..يحب يطلع حرته في الكل حتى اللي ماله شغل..ما عنده غير هالاسلوب
ويستلم منصب القيادة لشلته من اول ما يتعرف عليهم..وما ينادون غيره وقت الهوشات--->>ابو عرام
يحب يمدح نفسه حتى لو خراط...يمكن يكذب ويقول زانط اسد لما راح افريقيا مع اصحابه--->>شلخ على اصوله
وياكثرهم هاليومين ههههههههه

6_هادئ...
يحب النوم والأماكن الهادئة..وادا جا احد يكلمه قال له بكل نعومة:وطي صوتك ازعجتني...حتى ادا سولف تحس نفسك تسولف مع نملة
ادا طلب شي و وما تنفذ له ينسى الموضوع..ما يتمسك بقراره..
اهم شي عنده راحة البال..وما يحب الهواش والصرقعة والفرفشة..
حتى ملابسه ساده..ويحب يقعد عالبحر وينام على صوته---->>بس لا يغرق علينا

7_الداهية...
على طووووول ساكت وما يبدي رايه في شي وماخذ موقف محايد..واللي يشوفه يقول مفهي بس... ياما تحت السواهي دواهي..
ادا جلست معه وتقربت منه تلقاه فطين وعنده بلاوي يسويها ومحد داري عنه--->>قصدي شريف لاحد يفهم غلط
مايحب احد يتدخل في اموره الخاصة ومستقل في حياته..مايحب الإتكالية
((((((((عجبني هالنوع))))))))

8_البسيط...
ما يحب التكلف في الأمور وكل شي عنده عادي..حياته تكون مملة شوي وروتينية..يرضى بالقليل وعنده قناعة ..
يحب يتمسك بالعادات والتقاليد..حتى لو كان مالها اساس..

9_العجوز...
يعصب على اي شي وينقلب لك زي الطفل ادا ما لقى اللي يبغاه..
يحب سياسة فرض الراي..يعني يكون الآمر والناهي وكلمته هي اللي بتشمي على الكل طيب والا غصب..
دايما ينظر للأمور نظرة بعيدة..وتجاربه في الحياة خلت عقله اكبر من سنه ب10 سنين....يعجبك تفكيره في حل المشاكل

10_الدلخ..
ما يبغى له شرح وتحليل...مفهي اربعة وعشرييييييين ساعة..تعيد له السالفة 20 مرة وبعد ما يفهمها
تنبط جبدك لما تطلب رايه في شي وهو اصلا مو فاهم شي..حتى لما يجي يشرح شي يجيب امثلة مالها دخل ويبغاك غصب تفهمها
بعد ما يخلص كلامه ينسى بوزه مفتوح..ولازم تصكه بكس والا ما يتسكر...هالإنسان بارد بشكل مو طبيعي
احر ما عنك ابرد ما عنده...ادا حبيت تنتقم من شخص عصبي خليه يجلس وياه واتركهم دقيقتين ..اضمن لك اول ما ترجع تلقاه منتحر...


يالله نشوف ردودكم......